سیاسی جماعتوں کی ریلیوں اور احتجاج کے پیش نظر کراچی پولیس نے شہر بھر میں ہائی الرٹ جاری کرتے ہوئے سیکیورٹی کنٹی جنسی پلان نافذ کر دیا ہے۔
- ریڈ زون اور کراچی پریس کلب کے اطراف بھاری نفری تعینات
- ایف ٹی سی پل پر کنٹینرز، نمائش چورنگی، شاہراہ قائدین اور گرومندر پر سیکیورٹی سخت
- صدر، ایمپریس مارکیٹ اور شاہراہ فیصل پر بڑی تعداد میں اہلکار تعینات
- حساس علاقوں میں بلٹ پروف جیکٹس، ہیلمٹ اور شیلڈز لازمی
ٹریفک پولیس کے مطابق جے یو آئی (ف) کے احتجاج کے باعث گرومندر کی سڑک بند رہے گی۔ جیل چورنگی سے گرومندر جانے والی ٹریفک پیپلز چورنگی کی جانب موڑی جا رہی ہے۔
جیے سندھ لیڈر کمیٹی نے اتوار کو جبکہ سندھ ترقی پسند پارٹی نے 29 نومبر کو ریلی کا اعلان کیا ہے۔ ایم کیو ایم پاکستان نے امن و امان کے خدشات کے باعث اپنی 29 نومبر کی ریلی ملتوی کر دی ہے۔