کراچی واٹر اینڈ سیوریج کارپوریشن کے مطابق دھابیجی پمپنگ اسٹیشن پر سالانہ مرمت کا کام مکمل ہونے کے بعد شہر کو پانی کی فراہمی مکمل طور پر بحال کر دی گئی ہے اور تمام 21 پمپس کام کر رہے ہیں۔
دھابیجی میں 60 انچ کا نیا والو نصب کیا گیا، پپری پمپنگ اسٹیشن کی مرمت کی گئی، شاہراہ بھٹو پر 32 انچ کی 150 فٹ لائن تبدیل کی گئی اور ہالیجی کنڈیوٹ میں لیکیج ٹھیک کی گئی۔ پانی کی قلت کی شکایت ہیلپ لائن 1339 پر درج کرائی جا سکتی ہے۔