کراچی کے علاقے منگھوپیر میں حضرت سخی سلطان شاہ کے مزار سے ملحقہ جھیل کے مگرمچھ دہائیوں سے زائرین اور سیاحوں کی توجہ کا مرکز ہیں، تاہم اب یہ شدید مشکلات کا شکار ہیں۔
تقریباً ایک ہزار مربع گز کی جھیل میں 200 کے قریب مگرمچھ رہتے ہیں اور جگہ کی کمی کے باعث ایک دوسرے پر حملے کرنے لگے ہیں۔ انہیں روزانہ تازہ گوشت درکار ہے مگر وہ زیادہ تر زائرین کی دی گئی خوراک پر گزارا کر رہے ہیں۔ آلودہ پانی سے کئی مگرمچھ بیمار ہیں اور حفاظتی دیوار کسی بھی وقت گر سکتی ہے۔