پاکستان کرکٹ بورڈ نے 38 مرد کھلاڑیوں کے لیے نئے سینٹرل کنٹریکٹس کا اعلان کر دیا ہے جو 30 جون 2027 تک نافذ رہیں گے۔ سابقہ فہرست کے 13 کھلاڑی اس بار شامل نہیں۔
بابر اعظم اور سلمان علی آغا کو ٹیسٹ اور ون ڈے دونوں کنٹریکٹس دیے گئے ہیں۔ شاہین آفریدی، فخر زمان اور حارث رؤف ون ڈے اور ٹی ٹوئنٹی جبکہ کپتان صاحبزادہ فرحان، نسیم شاہ اور شاداب خان صرف ٹی ٹوئنٹی کنٹریکٹ میں شامل ہیں۔
محمد رضوان، صائم ایوب، حسن علی، عبداللہ شفیق اور شان مسعود سمیت کئی نمایاں کھلاڑی کنٹریکٹ حاصل نہ کر سکے۔