وزیراعلیٰ سندھ سید مراد علی شاہ نے سندھ وہیٹ گروورز سپورٹ پروگرام 2026-27 کی افتتاحی تقریب میں 25 ایکڑ تک زمین رکھنے والے گندم کاشتکاروں کے لیے فی ایکڑ 4 ہزار روپے سبسڈی کا اعلان کیا۔ پروگرام کا افتتاح چیئرمین پیپلز پارٹی بلاول بھٹو زرداری نے کیا۔
محکمہ خوراک کو گندم فروخت کرنے والے کسانوں کو فی من 2 ہزار روپے اضافی دیے جائیں گے جبکہ رواں سیزن کے لیے گندم کی سرکاری قیمت 4 ہزار 500 روپے فی من مقرر کی گئی ہے۔
وزیراعلیٰ نے تھرپارکر اور عمرکوٹ کے 25 دیہات کو قحط زدہ قرار دیتے ہوئے ہر متاثرہ خاندان کو 8 ہزار روپے تین اقساط میں دینے کا اعلان بھی کیا، جن میں پہلی قسط یکم دسمبر تک ادا کی جائے گی۔