کراچی کی عدالت نے 240 ارب روپے کے مبینہ آن لائن جوا نیٹ ورک کیس میں گرفتار پانچ ملزمان کو 5 روزہ جسمانی ریمانڈ پر این سی سی آئی اے کے حوالے کر دیا ہے۔
این سی سی آئی اے کے ایڈیشنل ڈائریکٹر شہزاد اکبر کے مطابق تحقیقات اسٹیٹ بینک کی جانب سے 6 ارب 15 کروڑ روپے کی مشکوک ٹرانزیکشنز کی نشاندہی کے بعد شروع ہوئیں۔ 38 بینک اکاؤنٹس اور 40 افراد کی نشاندہی ہو چکی ہے جبکہ 70 لاکھ ڈالر کی کرپٹو کرنسی منجمد کر دی گئی ہے۔
گرفتار افراد میں تین کمپنیوں کے سی ای اوز اور دو ڈائریکٹرز شامل ہیں۔