پاکستان نے اقوام متحدہ میں بھارت کے غیر سفارتی اور بے بنیاد الزامات کو مسترد کر دیا ہے۔ دفتر خارجہ کے ترجمان کے مطابق پاکستانی مندوب نے اسی اجلاس میں بھارت کو مؤثر جواب دیا۔
ترجمان نے کہا کہ بھارت کے بیانات پاکستان کے اندرونی معاملات میں مداخلت ہیں اور پاکستان کے پاس بلوچستان اور خیبر پختونخوا میں دہشت گردی میں بھارت کے ملوث ہونے کے شواہد موجود ہیں۔
سندھ طاس معاہدے کے حوالے سے ترجمان نے کہا کہ ثالثی عدالت کے 31 اگست 2026 کے متفقہ فیصلے کے مطابق معاہدے کی یکطرفہ معطلی کی کوئی قانونی بنیاد نہیں اور یہ معاہدہ بدستور دونوں ممالک پر لازم ہے۔