اسلام آباد – اسپیڈ ٹیسٹ پلیٹ فارم کے پسِ پردہ عالمی شہرت یافتہ کمپنی اوکلا نے موبائل اور براڈ بینڈ انٹرنیٹ فراہم کرنے والی کمپنیوں کی تازہ درجہ بندی جاری کر دی ہے، جس میں پاکستان کے ٹیلی کام سیکٹر کی تازہ صورتحال بھی سامنے آئی ہے۔
یہ ششماہی رپورٹ جنوری سے جون 2025 (پہلی ششماہی) کے اعداد و شمار پر مشتمل ہے اور اس میں ملک بھر کے صارفین کی جانب سے کروڑوں بار کیے جانے والے حقیقی ٹیسٹ شامل کیے گئے ہیں۔ اوکلا نے صرف رفتار ہی کو معیار نہیں بنایا بلکہ کارکردگی کے اسکور میں ’کوالٹی آف ایکسپیریئنس‘ (QoE) کو بھی شامل کیا ہے، تاکہ یہ جانچا جا سکے کہ صارفین روزمرہ استعمال میں انٹرنیٹ کو کس طرح محسوس کرتے ہیں۔
رپورٹ کے نتائج ایک بار پھر پاکستان کے بڑے موبائل آپریٹرز کے درمیان سخت مقابلے کو اجاگر کرتے ہیں، جنہیں رفتار، اعتبار اور صارفین کی اطمینان کی بنیاد پر ترتیب دیا گیا ہے۔
اوکلا کے مطابق 2025 کی پہلی ششماہی میں پاکستان کے بہترین کارکردگی دکھانے والے موبائل نیٹ ورکس کی یہ درجہ بندی صارفین اور صنعت دونوں کے لیے خاص دلچسپی کا باعث ہے، کیونکہ ڈیجیٹل کنیکٹیویٹی روزمرہ زندگی کا مرکزی حصہ بنتی جا رہی ہے۔
