اسلام آباد –
پاکستان پیپلز پارٹی (پی پی پی) کے چیئرمین بلاول بھٹو زرداری نے جمعرات کے روز اسلام آباد میں زرداری ہاؤس میں سابق امریکی صدر ڈونلڈ ٹرمپ کے سینئر معاون رکی گل سے اہم ملاقات کی۔
ملاقات میں امریکی ناظم الامور نٹالی بیکر اور خاتونِ اول آصفہ بھٹو زرداری بھی موجود تھیں۔ اس دوران دوطرفہ تعلقات، علاقائی سلامتی، تجارتی شراکت داری اور سفارتی تعاون جیسے اہم موضوعات زیرِ بحث آئے۔
ذرائع کے مطابق، بلاول بھٹو نے اس موقع پر صدر ٹرمپ کا شکریہ ادا کیا کہ انہوں نے حالیہ پاک-بھارت کشیدگی کو کم کرنے میں مؤثر کردار ادا کیا، جسے بلاول نے خطے میں استحکام کے لیے "فیصلہ کن” قرار دیا۔
ملاقات کے دوران دونوں جانب سے مشترکہ مفادات پر تعاون کو مزید فروغ دینے کی خواہش کا اظہار کیا گیا، خاص طور پر ان شعبوں میں جو جنوبی ایشیا میں دیرپا امن اور معاشی ترقی کی بنیاد بن سکتے ہیں۔
