وزیراعظم کا رجب طیب اردوان انٹرچینج کا افتتاح

 وزیراعظم شہباز شریف کا کہنا تھا جناح اسکوائر کے بعد ایک اور شاندار عوامی منصوبہ پایہ تکمیل تک پہنچا، شہر اقتدار میں ترقیاتی کام دیکھ کر خوشی محسوس ہو رہی ہے وزیراعظم شہباز شریف کا اسلام آباد میں رجب طیب اردوان انٹرچینج کے فعال ہونے کی افتتاحی تقریب سے خطاب کرتے ہوئے کہاکہ اسلام آباد کیلئے یہ انتہائی اہم منصوبہ ہے، اس منصوبے سے اسلام آباد اور راولپنڈی کے شہریوں کو سہولت ہوگی، محسن نقوی، چیئرمین سی ڈی اے اور انکی ٹیم مبارکباد کی مستحق ہے،انہوں نےکہاکہ قلیل مدت میں منصوبے کی تکمیل لائق تحسین ہے، اس منصوبے سے انڈرپاسز اور یوٹرنز بنائے گئے جو عوام کو سہولت پہنچائیں گے، ترکیہ صدر کی آمد پر اسلام آباد کو خوبصورتی سے سجایا گیا، ترک صدر کو اس منصوبے کی ویڈیو اور خط بھیجوں گا، ان کو پیغام پہنچائیں گے کہ پاکستان اور ترکیہ برادرانہ ملک اور بہترین دوست ہیں،انہوں نے کہا کہ مجوزہ لاگت سے بھی کم لاگت میں منصوبے کو مکمل کیا گیا، اسلام آباد کی خوبصورتی میں اضافے کیلئےمزید اقدامات کرینگے