سرکاری گاڑیاں واپس نہ کرانے والوں پر مقدمہ درج کرانے کا فیصلہ

سرکاری گاڑیاں واپس نہ کرانے والوں پر مقدمہ درج کرانے کا فیصلہ
سندھ کے سینئر وزیر شرجیل انعام میمن کی زیرصدارت اجلاس میں فیصلہ

حکومت سندھ نے سرکاری گاڑیاں واپس نہ کرنے والے افراد کے خلاف مقدمات درج کروانے کا فیصلہ کرلیا سرکاری گاڑیاں واپس نہ کرنے اور ان کا غیر مجاز استعمال کرنے والوں کو نامزد کرکے ایف آئی آرز کٹوائی جائیں گی، سندھ کابینہ کی ذیلی کمیٹی کے اجلاس میں فیصلہ،سندھ کے سینئر وزیر شرجیل انعام میمن کی زیر صدارت سندھ کابینہ کی ذیلی کمیٹی برائے کفایت شعاری کا کراچی میں اہم اجلاس منعقد ہوا جس میں صوبائی وزراء سعید غنی، علی حسن زرداری اور چیف سیکریٹری آصف حیدر شاہ، سیکریٹری جی اے محمد نواز سوہو شریکہوئے ،کمیٹی اجلاس میں متروکہ سرکاری گاڑیوں کی نیلامی کا بھی فیصلہ کیا گیا،اجلاس میں سرکاری گاڑیوں کے استعمال، پیٹرولیم، آئل اور لبریکنٹس کے اخراجات کو کنٹرول کرنے اور بے کار گاڑیوں کی نیلامی پر تبادلہ خیال کیا گیا ،اس موقع پر شرجیل انعام میمن کا کہنا تھا کہ سرکاری گاڑیوں کے غیر ضروری استعمال کے روک تھام اور پی او ایل کے بڑھتے ہوئے اخراجات کو کم کرنے کی ضرورت ہے، بے کار گاڑیوں کی نیلامی مکمل طور پر شفاف بنانے کے لئے اقدامات کئے جائیں،