ماضی میں بھٹو کو پھانسی نہیں ، پاکستان کے مستقبل کو پھانسی دی گئی،شرجیل میمن

ماضی میں بھٹو کو پھانسی نہیں ، پاکستان کے مستقبل کو پھانسی دی گئی،شرجیل میمن
بھٹو کی سالگرہ پر خراج عقیدت پیش کرنے کی قرارداد پر جتنی بات کی جائے کم ہے،سینئر وزیر
قائد عوام نے جو پاکستان بنایا وہ کچھ اور تھا،وزیراطلاعات سندھ
پاکستان میں موجودآئین قانون بھٹو کی وجہ سے ہے،شرجیل میمن

سندھ کے سینئر وزیر شرجیل انعام میمن نے کہا کہ ماضی میں بھٹو کو پھانسی نہیں بلکہ پاکستان کے مستقبل کو پھانسی دی گئی  وزیراطلاعات شرجیل انعام میمن کاسندھ اسمبلی کے اجلاس میں اظہارخیال کرتے ہوئے کہناتھابھٹو کی سالگرہ پر خراج عقیدت پیش کرنے کی اس قرارداد پر جتنی بات کی جائے کم ہے، قائد عوام نے جو پاکستان بنایا وہ کچھ اور تھا، آج پاکستان کے پاس جو آئین قانون ہے تو وہ بھٹو کی وجہ سے ہے،انہوں نے کہا کہ ساری چیزیں ٹھیک کرنے پر آئیں تو فلسفہ بھٹو کا چلے گا، 75 جماعتوں میں سے پیپلزپارٹی کے علاوہ ایک بھی سیاسی جماعت نہیں جو کہہ سکے کہ ہم نے پاکستان کو کچھ دیا ، پاکستان میں آج بھی بھٹو جیسی کوئی شخصیت نہیں ،انہوں نے کہا کہ پاکستان کو مسائل سے نکالنے کے لیے بھٹو جیسی ذہین شخصیت کی ضرورت ہے،کراچی میں تعلیم حاصل کرنے کے لیے بیرون ممالک سے لوگ آتے تھے، پھر جان بوجھ کر نفرت والی جماعتیں بنائی گئیں، اتنے بڑے ظلم کے بعد سپریم کورٹ کہتی ہے بھٹو کو فیئر ٹرائل کا موقع نہیں ملا،انہوں نے کہا کہ ایک جماعت کا لیڈر ہو جو کہتا ہے آزاد کرواؤ ورنہ آئی ایم ایف کو خط لکھ دیتا ہے ، بیرون ممالک سے دھمکیاں دلواتا ہے، اسرائیل کی ملازم جماعت کہتی ہے ہمارے لیڈر کو باہر نکالو، امریکہ میں صدارتی الیکشن پر سب سے زیادہ خوشی انہوں نے منائی، جو پاکستان کی سالمیت کے خلاف ہر سودا کرنے کے لیے تیار ہیں وہ لیڈر کیسے ہوسکتے ہیں