نیا سال اتحاد، ترقی اور خوشحالی کا سال ہوگا،بلاول بھٹو زرداری
نیا سال اتحاد، ترقی اور خوشحالی کا سال ہوگا،بلاول بھٹو زرداری
ہمیں اپنی جدوجہد کاجائزہ لینا اورکامیابیوں کاجشن منانا چاہیے،بلاول بھٹو
پاکستانی عوام کی طاقت اور حوصلے پر کامل یقین ہے،بلاول بھٹو
چیئرمین پاکستان پیپلز پارٹی بلاول بھٹوزرداری نے تمام اہل وطن اور عالمی برادری کو نئے سال کی مبارکباد دےدی بلاول بھٹو زرداری نے بیان میں کہا ہے کہ نیا سال اتحاد، ترقی اور خوشحالی کا سال ہوگا،سال 2025 میں داخل ہوتےہوئےہمیں اپنی جدوجہد کا جائزہ لینا اور کامیابیوں کا جشن منانا چاہیے،یہ وقت ہےکہ ہم اپنے تعلقات کو مضبوط کریں اور اختلافات کو بھلا کر آگے بڑھیں،ہمیں ملک سے غربت اورعدم مساوات کے خاتمے اور جہالت کے خلاف جدوجہد جاری رکھنا ہو گی،قوم کو ایک ترقی پسند اور جامع پاکستان کی جستجو میں متحد رہنے کی ضرورت ہے،چیئرمین بلاول بھٹوکامزیدکہناتھا پاکستانی عوام کی طاقت اور حوصلے پر کامل یقین ہے،ہم چیلنجز پرقابوپاکرایک ایسے مستقبل کاراستہ ہموارکریں گےجوامید اورہم آہنگی سےبھراہو گا،عوام کےحقوق کےتحفظ اوران کی فلاح و بہبود کےلیےپیپلز پارٹی اپنے غیر متزلزل عزم کے ساتھ کھڑی ہے
