یونان میں کشتیاں الٹنے کا واقعہ

یونان میں کشتیاں الٹنے کا واقعہ
زندہ بچ جانے والے پاکستانیوں کے سنسنی خیز انکشافات
یونان کے جزیرہ کریٹ کے جنوب میں کشتیاں الٹنےکا واقعہ پیش آیا تھا
سمندر میں حالات بہت خراب تھے، شپ میں 84 افراد تھے، متاثرین
حادثے میں درجنوں پاکستانی ہماری آنکھوں کےسامنےسمندرمیں ڈوب گئے
جس کشتی پر سوار تھے اس کا نہ انجن ٹھیک تھا، نہ واکی ٹاکی اور نہ ہی ڈرائیور ٹھیک تھا، متاثرین

یونان میں کشتیاں الٹنے کے واقعے میں زندہ بچ جانے والے پاکستانیوں نے سنسنی خیز انکشافات کیے یونان کے جزیرہ کریٹ کے جنوب میں کشتیاں الٹنےکا واقعہ پیش آیا تھا جس میں 4 پاکستانیوں کے جاں بحق ہونے کی تصدیق ہوئی تھی۔اب حادثے میں بچ جانے والے پاکستانیوں نے انکشاف کرتے ہوئے بتایا کہ جمعہ اور ہفتے کی درمیانی شب حادثہ پیش آیا، سمندر میں حالات بہت خراب تھے، شپ میں 84 افراد تھے، حادثے میں درجنوں پاکستانی ہماری آنکھوں کےسامنےسمندرمیں ڈوب گئے۔متاثرین نے انکشاف کیا کہ جس کشتی پر سوار تھے اس کا نہ انجن ٹھیک تھا، نہ واکی ٹاکی اور نہ ہی ڈرائیور ٹھیک تھا، حادثے کے بعد کارگو شپ نے ہمیں بچایا، ہمارے کپڑے، موبائل اور جوتے سب وہاں رہ گئے، اب ہمارے پاس کپڑے ہیں اور نہ ہی جوتے۔