محکمہ ٹرانسپورٹ اینڈ ماس ٹرانزٹ سندھ کا نئے موٹر وہیکل فٹنس سرٹیفکیٹس متعارف کرانے کاعلان

محکمہ ٹرانسپورٹ اینڈ ماس ٹرانزٹ سندھ کا نئے موٹر وہیکل فٹنس سرٹیفکیٹس متعارف کرانے کاعلان
نئے اقدامات گاڑیوں کی فٹنس بڑھانے کے لیے ڈیزائن کیے ہیں،صوبائی وزیر
سندھ بھر میں موٹر وہیکل انسپکٹرز کے لیے تفصیلی ایس او پیز جاری کیے گئے ہیں،شرجیل میمن

محکمہ ٹرانسپورٹ اینڈ ماس ٹرانزٹ سندھ نے نئے موٹر وہیکل فٹنس سرٹیفکیٹس متعارف کرانے اور ایم وی آئز کے نئے ایس او پیز کا اعلان کر دیا صوبائی وزیر ٹرانسپورٹ سندھ شرجیل انعام میمن کا کہنا تھا نئے اقدامات گاڑیوں کی فٹنس بڑھانے کے لیے ڈیزائن کئے ہیں، نئے اقدامات کا مقصد روڈ سیفٹی کو یقینی بنانا، ماحولیاتی آلودگی کو کم کرنا، جعلی سرٹیفکیٹس کے اجراء کو روکنا، اور حکومتی آمدنی میں اضافہ کرنا ہے، سندھ بھر میں موٹر وہیکل انسپکٹرز کے لیے تفصیلی ایس او پیز جاری کیے گئے ہیں،انہوں نےکہاکہ سرٹیفکیٹس کے اجراء میں یکسانیت اور جوابدہی کو برقرار رکھنے کے لیے ہدایات پر سختی سے عمل کرنے کی ضرورت ہے، محکمہ ٹرانسپورٹ نئے سرٹیفکیٹس کے لیے کٹ آف تاریخ سے عوام کو مطلع کرے گا، جس کے بعد تمام پرانے فٹنس سرٹیفکیٹس کو مسترد شدہ قرار دے دیا جائے گا، سندھ بھر کے ایم وی آئی ونگز میں محفوظ تمام پرانا رکارڈ ضبط کر لیا جائے گا،نئے نظام پر تعمیل یقینی بنانے کے لئے قانون نافذ کرنے والے اداروں بشمول ٹریفک پولیس اور ضلعی ایس ایس پیز سے مدد لی جائے گی، ہائی وے اور موٹروے پولیس سے بھی مدد لی جائے گی