جعلی حکومت کا بانی پی ٹی آئی کے ملٹری ٹرائل کا خواب کبھی پورا نہیں ہوگا،بیرسٹر سیف

جعلی حکومت کا بانی پی ٹی آئی کے ملٹری ٹرائل کا خواب کبھی پورا نہیں ہوگا،بیرسٹر سیف
جعلی حکومت بانی پی ٹی آئی کے بغض میں ہر حد تک جانے کےلیے تیار بیٹھی ہے،مشیر اطلاعات کےپی

مشیر اطلاعات خیبر پختونخوا بیرسٹرسیف نے کہا کہ جعلی حکومت کا بانی پی ٹی آئی کے ملٹری ٹرائل کا خواب کبھی پورا نہیں ہوگا  مشیر اطلاعات خیبر پختونخوا بیرسٹر ڈاکٹر سیف کااپنے ایک بیان میں کہنا تھا جعلی حکومت نے ملٹری ٹرائل کیلئے ایڑی چوٹی کا زور لگایا ہوا ہے، جعلی حکومت سیاسی مفادات کیلئے فوج اورعوام کے درمیان تلخیاں پیدا کرنے کی ناکام کوششیں بند کرے،انہوں نے کہا کہ سیاسی مافیا کو بانی پی ٹی آئی کو مائنس کرنے میں ہی اپنی بقا نظر آ رہی ہے، بانی پی ٹی آئی ایک ملک گیر پارٹی کے سربراہ اور کروڑوں دلوں کی دھڑکن ہیں، جعلی حکومت کا یہ اقدام جمہوریت پر شب خون مارنے کی ایک اور کوشش ہے،انہوں نےکہاکہ جعلی حکومت نے سول نافرمانی پر آسمان سر پر اٹھایا ہے ، ملٹری ٹرائل کی حمایت کر رہی ہے، جعلی حکومت بانی پی ٹی آئی کے بغض میں ہر حد تک جانے کیلئے تیار بیٹھی ہے