اے این ایف کی کراچی کے ساؤتھ ایشیا پاکستان ٹرمینل پر خفیہ اطلاع پر کارروائی

اے این ایف کی کراچی کے ساؤتھ ایشیا پاکستان ٹرمینل پر خفیہ اطلاع پر کارروائی
ملائیشیا کیلئے بک کرائے گئے کنٹینر سے 700 کلوگرام سے زائد آئس برآمد
برآمد شدہ آئس کیلشیم کاربونیٹ کے بیگز کے ساتھ رکھ کر اسمگل کی جا رہی تھی
کنٹینر کی تلاشی کے دوران کیلشیم کاربونیٹ کے 854 بیگز کی تلاشی لی گئی
28 بیگز میں آئس کی موجودگی کی نشاندہی ہوئی، اے این ایف
کنٹینر بک کرانے والے کراچی کے رہائشی ایک ملزم کو گرفتار کر لیا گیا

اینٹی نارکوٹکس فورس کے عملے نے کراچی کے ساؤتھ ایشیا پاکستان ٹرمینل پر خفیہ اطلاع پر بڑی کارروائی کی۔ ملائیشیا کیلئے بک کرائے گئے کنٹینر سے 700 کلوگرام سے زائد آئس برآمد کرلی گئی۔ حکام کے مطابق برآمد شدہ آئس کیلشیم کاربونیٹ کے بیگز کے ساتھ رکھ کر اسمگل کی جا رہی تھی، خفیہ اطلاع پر کنٹینر کی تلاشی کے دوران کیلشیم کاربونیٹ کے 854 بیگز کی تلاشی لی گئی جن میں 28 بیگز میں آئس کی موجودگی کی نشاندہی ہوئی۔ اے این ایف حکام کا بتانا ہے کہ کنٹینر کراچی میں قائم نجی کمپنی کی جانب سے ملائیشیا کے شہر کوالالمپور کے لیے بُک کروایا گیا تھا، کنٹینر بک کرانے والے کراچی کے رہائشی ایک ملزم کو گرفتار کر لیا گیا ہے جبکہ دیگر ملزمان کی گرفتاری کے لیے ملزم سے تحقیقات کا عمل جاری ہے۔