پاکستان میں مہنگائی بڑھنے کی شرح 78 ماہ کی کم ترین سطح پر آگئی

پاکستان میں مہنگائی بڑھنے کی شرح 78 ماہ کی کم ترین سطح پر آگئی
نومبر 2024 میں مہنگائی بڑھنے کی سالانہ شرح 4اعشاریہ 9 فیصد ریکارڈ
اکتوبر 2024 میں مہنگائی 7 اعشاریہ 2 فیصد پر تھی،ادارہ شماریات

پاکستان میں مہنگائی بڑھنے کی شرح 78 ماہ کی کم ترین سطح پر آگئی ادارہ شماریات کے اعداد و شمار کےمطابق نومبر 2024 میں مہنگائی کی شرح چاراعشاریہ نوفیصد کی سطح پر ریکارڈ کی گئی، اکتوبر 2024 میں مہنگائی سات اعشاریہ دو فیصد پر تھی،نومبر 2023 میں مہنگائی کی شرح انتیس اعشاریہ دو فیصد تھی ، نومبر 2024 میں شہری علاقوں میں مہنگائی پانچ اعشاریہ دو فیصد اور دیہی علاقوں میں چاراعشاریہ تین فیصد ریکارڈ کی گئی،ادارہ شماریات کے مطابق گزشتہ ماہ کھانے پینے کی اشیا میں صفراعشاریہ پانچ فیصد کا معمولی اضافہ ریکارڈ کیا گیا، گزشتہ ماہ ٹماٹر، انڈے، دال مونگ، شہد اور آلو کے نرخ میں اضافہ ریکارڈ ہوا، اعداد و شمار کے مطابق گھی، مکھن، ڈرائی فروٹ، مچھلی اور کوکنگ آئل مہنگا ہوا، گندم، ریڈی میڈ فوڈ، مشروبات، گندم کا آٹا، جوتے اور الیکٹرانک کا سامان بھی مہنگا ہوا،رپورٹ کےمطابق گزشتہ ماہ چکن، دال ماش، سبزیاں اور پھل سستے ہوئے، دال چنا، پیاز، مصالحہ جات، چینی، گُڑ، دال مسور اور چاول بھی سستے ہوئے