سندھ بھرمیں بلدیاتی انتخابات کا میدان سج گیا

سندھ بھرمیں بلدیاتی انتخابات کا میدان سج گیا
سندھ کے 26 اضلاع میں ضمنی بلدیاتی انتخابات کل ہوں گے
انتخابات میں 77میں سے42 بلدیاتی نشستوں پر 388امیدوار مدمقابل
صوبے میں 274 پولنگ اسٹیشنز میں سے 213 انتہائی حساس اور 50 کو حساس قرار

سندھ بھرمیں ایک بار پھربلدیاتی انتخابات کا میدان سج گیا،صوبے کے 26 اضلاع میں بلدیاتی نشستوں پرضمنی انتخابات کل ہوں گے، 77میں سے42 بلدیاتی نشستوں پر 388امیدوار مدمقابل ہوں گے، 31 نشستوں پر پہلے ہی امیدوار بلامقابلہ منتخب ہوچکے کراچی سمیت سندھ بھرکے 26 اضلاع میں ضمنی بلدیاتی انتخابات کل ہونگے،شہر قائد کی 10، حیدرآباد کی 5 نواب شاہ اور سکرنڈ کی 4 سکھر اور ٹنڈو محمد خان کی 2،2ٹنڈولیہار اور گھوٹکی کی 1،1 نشستوں پر الیکشن ہورہے ہیں،لاڑکانہ، قمبر شہدادکوٹ، شکارپور،جیکب آباد، نوشہرو فیروز، میرپور خاص، مٹیاری اور ٹھٹھہ کی بھی ایک ایک بلدیاتی نشست پر الیکشن ہوگا،کُل 77 نشستوں میں سے 31 پر امیدوار بلامقابلہ کامیاب ہوگئے، 42 نشستوں کے لیے 388 امیدوار آمنے سامنےہیں، کراچی کے 6 اضلاع سے 85 اور دیگر 14اضلاع سے 303 امیدوار میدان میں ہیں،4نشستیں درست کاغذات جمع نہ کرانے پراب بھی خالی ہیں،الیکشن کمیشن کےمطابق صوبے میں 274 پولنگ اسٹیشنز میں سے 213 کو انتہائی حساس اور 50 کو حساس قراردیا گیا