سینئر وزیر شرجیل میمن کی زیر صدارت محکمہ ٹرانسپورٹ کا اہم اجلاس

سینئر وزیر شرجیل میمن کی زیر صدارت محکمہ ٹرانسپورٹ کا اہم اجلاس
اجلاس میں بی آر ٹی کے دونوں منصوبوں پر پیش رفت کا جائزہ
شرجیل میمن کی حکام کو ریڈ لائن اور یلو لائن بی آر ٹی منصوبوں پر تعمیراتی کام تیز کرنے کی ہدایت
جدید ترین ڈیزائن پر مشتمل بی آر ٹیز شہریوں کو ناقابل یقین ریلیف فراہم کریں گے،شرجیل میمن
کام کے معیار پر کسی بھی قسم کے سمجھوتے کے متحمل نہیں ہو سکتے، شرجیل میمن
عوام کو سستی، آسان اور جدید سفری سہولیات کی فراہمی حکومت سندھ کا عزم ہے، شرجیل میمن

سندھ کے سینئر وزیر شرجیل انعام میمن نے حکام کو ریڈ لائن اور یلو لائن بی آر ٹی منصوبوں پر تعمیراتی کام تیز کرنے کی ہدایت کردی سینئر وزیر شرجیل انعام میمن کی زیر صدارت محکمہ ٹرانسپورٹ کا اہم اجلاس ہوا جس میں بی آر ٹی کے دونوں منصوبوں پر پیش رفت کا جائزہ لیا گیا۔ شرجیل انعام میمن کا کہنا تھا کہ جدید ترین ڈیزائن پر مشتمل بی آر ٹیز شہریوں کو ناقابل یقین ریلیف فراہم کریں گے۔ کام کے معیار پر کسی بھی قسم کے سمجھوتے کے متحمل نہیں ہو سکتے۔ عوام کو سستی، آسان اور جدید سفری سہولیات کی جلد از جلد فراہمی حکومت سندھ کا عزم ہے۔ انہوں نے کہا کہ کوشش ہونی چاہئے کہ ڈیڈ لائن سے پہلے دونوں بی آر ٹیز کی تکمیل مکمل ہوجائے، تاکہ عوام مستفید ہوں۔ دونوں منصوبوں کی تکمیل سے شہریوں کے لئے سفر آسان ہوجائے گا اور لاکھوں لوگوں کو فائدہ ہوگا۔ تمام فریق منصوبوں کی بروقت اور کامیاب تکمیل کو یقینی بنانے کے لیے متحرک رہیں