آرمی چیف جنرل عاصم منیر سے آسٹریلوی آرمی چیف کی ملاقات
آرمی چیف جنرل عاصم منیر سے آسٹریلوی آرمی چیف کی ملاقات
ملاقات میں باہمی دلچسپی کے امور پر تبادلہ خیال ،عالمی اور علاقائی سیکیورٹی کے ماحول پر گفتگو
آرمی چیف کا امن و استحکام کے مشترکہ اہداف کو فروغ دینے میں ان کی اہمیت پر زور، آئی ایس پی آر
آسٹریلوی آرمی چیف لیفٹیننٹ جنرل سائمن اسٹیورٹ نے جی ایچ کیو میں آرمی چیف جنرل سید عاصم منیر سے ملاقات کی جس میں دونوں ممالک نے دفاع اور سیکیورٹی میں تعاون کو مزید مضبوط کرنے پر اتفاق کیا آئی ایس پی آر کے مطابق ملاقات میں باہمی دلچسپی کے امور پر تبادلہ خیال ،عالمی اور علاقائی سیکیورٹی کے ماحول پر گفتگو کی گئی،آرمی چیف نے آسٹریلیا کے ساتھ پاکستان کے تعلقات کی اہمیت کو اجاگر کیا، آرمی چیف نے مضبوط دو طرفہ روابط کی تعریف اور امن و استحکام کے مشترکہ اہداف کو فروغ دینے میں ان کی اہمیت پر زور دیا، دونوں ممالک نے دفاع اور سیکیورٹی کے شعبے میں تعاون کو مزید مضبوط بنانے کے عزم کا اعادہ کیا، ملاقات میں علاقائی اور عالمی امن کے لئے مسلسل تعاون کی اہمیت کو تسلیم کیا، لیفٹیننٹ جنرل اسٹیورٹ نے دہشت گردی کے خاتمے میں پاکستان کی کاوشوں کی تعریف کی، قبل ازیں، جی ایچ کیو پہنچنے پر آسٹریلوی آرمی چیف نے یادگار شہداء پر پھولوں کی چادر چڑھائی اور پاکستان کے شہداء کو خراج عقیدت پیش کیا، انہیں پاک فوج کے چاق و چوبند دستے کی جانب سے گارڈ آف آنر پیش کیا گیا
