سعودی اور قطر کے دورے میں سرمایہ کاری اور ملکی ترقی پر گفتگو ہوئی،وزیراعظم

سعودی اور قطر کے دورے میں سرمایہ کاری اور ملکی ترقی پر گفتگو ہوئی،وزیراعظم
سعودی عرب کے دورے پر ولی عہد محمد بن سلمان سے ملاقات ہوئی ،شہباز شریف

وزیر اعظم شہباز شریف نے کہا کہ سعودی اور قطر کے دورے میں سرمایہ کاری اور ملکی ترقی پر گفتگو ہوئی وزیر اعظم شہباز شریف کااسلام آباد میں کابینہ اجلاس میں اظہار خیال کرتے ہوئے کہنا تھا سعودی عرب اور قطر کے کامیاب دورے کرکے آیا ہوں، سعودی عرب اور قطر میں ون آن ون وفود سے ملاقاتیں کیں،انہوں نے کہا کہ سعودی عرب میں فیوچر انوسٹمنٹ انیشی ایٹو سے خطاب کیا، سعودی ولی عہد نے سرمایہ کاری کی یقینی دہانی کرائی ہے، سعودی عرب کے دورے کے دوران ولی عہد محمد بن سلمان سے ملاقات ہوئی ، ملاقات میں پاکستان میں سرمایہ کاری اور ترقی کے حوالے سے مختلف امور پر تبادلہ خیال ہوا، شہباز شریف کا کہنا تھا پاکستان اور قطر نے تیزی سے آگے بڑھنے کا فیصلہ کیا ہے ، قطر آئی ٹی ، معدنیات اور ملکی دیگر شعبوں میں سرمایہ کاری کا خواہاں ہے،سعودی سرمایہ کار پاکستان میں باہمی شراکت داری کے منصوبوں میں دلچسپی رکھتے ہیں، اس سلسلے میں ہمارا وفد سعودی عرب جائے گا