محکمہ ایکسائز سندھ و نارکو ٹکس کنٹرول کا اجلاس

محکمہ ایکسائز سندھ و نارکو ٹکس کنٹرول کا اجلاس
سندھ کے سینئر وزیر سندھ شرجیل میمن نے اجلاس کی صدارت کی
محکمہ ایکسائز سندھ نے سالانہ ٹیکس ریونیو ہدف کا 27 فیصد پہلی سہ ماہی میں حاصل کرلیا
محکمہ ایکسائز سندھ نے ہدف کے مقابلے پہلے 3ماہ میں 55.48ارب جمع کرلیے
کراچی: محکمہ ایکسائز سندھ کا مالی سال کاہدف 203 ارب ہے
سینئر وزیر شرجیل میمن کی محکمے کی کارکردگی کی تعریف
موٹر وہیکل ٹیکس کا نظام 15دن کے اندر آن لائن کرنے کے احکامات جاری
شہریوں کیلئے ٹیکس کا نظام مزید آسان اور مؤثر بنایا جائے، شرجیل میمن
مؤثر خدمت کی فراہمی سندھ حکومت کی اولین ترجیح ہے، شرجیل میمن

محکمہ ایکسائز سندھ کی شاندار کامیابی، سالانہ ٹیکس ریونیو ہدف کا 27 فیصد پہلی سہ ماہی میں کامیابی سے حاصل کرلیا سندھ کے سینئر وزیر شرجیل انعام میمن کی کاوشوں سے محمکہ ایکسائزو ٹیکسیشن نے مالی سال کے 203 ارب روپے کے ہدف کے مقابلے پہلے تین مہینوں میں 55 اعشاریہ چار آٹھ ارب روپے جمع کر لئے۔ شرجیل انعام میمن کی زیر صدارت محکمہ ایکسائز، ٹیکسیشن و نارکوٹکس کنٹرول کا اجلاس ہوا۔ شرجیل انعام میمن نے موٹر وہیکل ٹیکس کا نظام 15 دن کے اندر آن لائن کرنے کے احکامات جاری کر دیئے۔ اجلاس میں پروفیشنل ٹیکس اور ایکسائز ڈیوٹی کی وصولیوں سمیت دیگر خدمات پر بھی تبادلہ خیال کیا گیا۔ شرجیل میمن نے کہا کہ موٹر وہیکل ٹیکس کا نظام 15 دن کے اندر آن لائن کیا جائے تاکہ شہریوں کے لیے ٹیکس کا نظام مزید آسان اور موثر ہو سکے۔ موثر خدمت کی فراہمی حکومت سندھ کی اولین ترجیح ہے، عوام کو گھر بیٹھے تمام ٹیکسز کی ادائیگی کی سہولت کی فراہمی یقینی بنائی جائے۔ انہوں نے کہا کہ سیلاب متاثرین کی فنڈ ریزنگ کے لئے پریمیئم نمبر پلیٹس کی آن لائن نیلامی میں زیادہ سے زیادہ لوگوں کو راغب کرنے کے لیے مزید عوامی ترجیحی نمبرز شامل کئے جائیں۔ حکومت سندھ ٹیکس نظام کو جدید بنانے اور شفافیت، کارکردگی اور عوام کے لیے سہولت کو یقینی بنانے کے لیے پرعزم ہے۔