پاکستان کا پہلا سیٹلائٹ مشن چاند پر روانہ

پاکستان کا پہلا سیٹلائٹ مشن چاند پر روانہ
سیٹلائٹ مشن 2 بج کر 27 منٹ پر خلا میں بھیجا گیا
مشن آئی کیوب قمرچین کے ہینان اسپیس لانچ سائٹ سے روانہ ہوا
سپارکو کمانڈ اینڈ کنٹرول سینٹر تالیوں سے گونج اٹھا
سیٹلائٹ مشن 3 سے 6 ماہ تک چاند کے اطراف چکر لگائے گا
سیٹلائٹ کی مدد سے چاند کی سطح کی مختلف تصاویر لی جائیں گی
آئی کیوب قمر کا ڈیزائن اور ڈیولپمنٹ چین اور سپارکونے تیار کیا

پاکستان کا پہلا سیٹلائٹ مشن چاند پر روانہ ہوگیا۔ سیٹلائٹ مشن پاکستانی وقت کے مطابق 2 بج کر 27 منٹ پر خلا میں بھیجا گیا  چاند پر پاکستان کا پہلا سیٹلائٹ مشن آئی کیوب قمرچین کے ہینان اسپیس لانچ سائٹ سے روانہ ہوا،ہینان سے مشن کی روانگی پر سپارکو کمانڈ اینڈ کنٹرول سینٹر تالیوں سے گونج اٹھا،انسٹی ٹیوٹ آف اسپیس ٹیکنالوجی کے رکن کور کمیٹی ڈاکٹرخرم خورشید کے مطابق سیٹلائٹ مشن 3 سے 6 ماہ تک چاند کے اطراف چکر لگائے گا، سیٹلائٹ کی مدد سے چاند کی سطح کی مختلف تصاویر لی جائیں گی، آئی کیوب قمر کا ڈیزائن اور ڈیولپمنٹ چین اور سپارکو نے تیار کیا،پاکستان کے پاس تحقیق کے لیے اپنی سیٹلائٹ سے لی جانے والی چاند کی تصاویر ہوں گی، یہ دنیا کا پہلا مشن ہے جو چاند کی دوسری طرف سے نمونے حاصل کرے گا، یہ مشن 53 دن پر مشتمل ہوگا،جنرل منیجر آئی ایس ٹی سید ثمر عباس کا کہنا تھاکہ یہ تاریخ ساز مناظر ہیں، پاکستان کا پرچم چاند کے مدار میں پہنچنے والا ہے، چاند کا موسم، زمین اور مقناطیسی میدان سے متعلق اس مشن سے اہم معلومات ملیں گی،پاکستان کی جانب سے انسٹی ٹیوٹ آف اسپیس ٹیکنالوجی نے بھی مجوزہ منصوبہ جمع کرایا تھا، 8 ممالک میں سے صرف پاکستان کے منصوبے کو قبول کیا گیا، دو سال کی محنت کے بعد سیٹلائٹ آئی کیوب قمرکو مکمل کیا جاسکا