سعودی عرب آنے والے مسافروں کے لیے کورونا پابندیاں ختم کرنے کا اعلان

سعودی عرب کی وزارت صحت نے کورونا وائرس کے پھیلاؤ کو روکنے کی پابندیاں ہٹانے سے متعلق اہم خبر دی ہے اور کہا ہے کہ بیرون ملک سے آنے والے مسافروں پر عائد تمام پابندیاں ختم کردی گئی ہیں۔ میڈیا رپورٹس کے مطابق منسوخ شدہ پابندیوں میں کورونا کے خلاف ویکسینیشن کا سرٹیفکیٹ جمع کروانے کی شرط اور سعودی عرب میں آنے یا آنے سے پہلے پی سی آر ٹیسٹ کروانے اور مملکت میں آنے والے مسافروں کے لیے ضروری قرنطینہ کی شرائط کا خاتمہ شامل ہے۔ غیرملکی مسافروں پر کورونا پابندیوں کے خاتمے کا فیصلہ مملکت میں کورونا کے مثبت کیسز کی شرح میں 4% سے کم ہونے ا ور سعودی آبادی کے تمام ٹارگٹ گروپس (یعنی 12 سال کی عمر کے افراد)کے لیے ویکسینیشن کی شرح 99% تک پہنچ جانے کے بعد کیا گیا ہے۔