تازہ ترین

بھارت میں مسلمانوں کی نسل کشی ، جینوسائیڈ واچ کا ایمرجنسی الرٹ جاری

جینو سائیڈ واچ نے بھارتی مسلمانوں کی نسل کشی کے بڑھتے واقعا ت پر الرٹ میں کہا ہے کہ بھارت مسلمانوں کی نسلی پامالی سے صرف ایک قدم دور ہے۔ عرب ٹی وی کے مطابق دنیا بھر میں نسل کشی پر نظر رکھنے والی تنظیم جینوسائیڈ واچ نے بھارت میں مسلمانوں کی نسل کشی کا ایمرجنسی الرٹ جاری کر دیا۔جینوسائیڈ واچ کا کہنا تھا کہ بھارت مسلمانوں کی نسلی پامالی سے صرف ایک قدم دور ہے، نریندر مودی مسلمانوں کی نسل کشی دیکھ کر خوش ہوتے ہیں۔پروفیسر اسٹینٹن نے ہندو انتہا پسند تنظیم آر ایس ایس پر تنقید کرتے ہوئے کہا کہ آرایس ایس نفرت سے بھری نازی طرز کی تنظیم ہے جو ہٹلر کو سراہتی ہے۔جینوسائیڈ واچ کے بانی پروفیسر گریگری نے کہا کہ بھارت اس وقت مسلمانوں کے خلاف نسلی پامالی کے آٹھویں مرحلے میں ہے جو مکمل نسل کشی سے صرف ایک قدم دور ہے۔یاد رہے بھارتی ریاست اتراکھنڈ میں انتہا پسند ہندوں نے مسلمانوں کو نسل کشی کی کھلی دھمکی دیتے ہوئے فوج اور پولیس کو بھی ساتھ دینے اور شہریوں کو ہتھیار خریدنے کی ہدایت بھی کی۔انتہا پسند ہندوں کا کہنا تھا کہ مسلمانوں سے زمینیں چھین کر بے دخل کیا جائے اور بھارت میں کرسمس اور عید منانے پر پابندی لگائی جائے۔

Leave a Reply

Your email address will not be published. Required fields are marked *

Back to top button
Close
Close